«Էներգետիկ կարիքներից ելնելով՝ ԵՄ-ն աչք է փակել քաղբանտարկյալների հարցի վրա». Միրիամ Լեքսման

Ինչպես հայտնել ենք, Բրյուսելում՝ Եվրոպական խորհրդարանում, անցկացվել է «Ադրբեջանում հայ քաղբանտարկյալները և ԵՄ ներգրավվածության հրամայականը» թեմայով քննարկում:
Միջազգային քրիստոնեական համերաշխություն կազմակերպության հանրային պաշտպանության տնօրեն Ժուել Վելդկամպն իր խոսքում ասաց. «Լեռնային Ղարաբաղի հայերին պահելով ադրբեջանական բանտում՝ Ադրբեջանն ավարտին է հասցնում իր նպատակը՝ ոչնչացնել Լեռնային Ղարաբաղի հայերի գոյությունը»:

Եվրոպական խորհրդարանի (ԵԽ) պատգամավոր Միրիամ Լեքսմանը (EPP, Սլովակիա) իր ելույթում նշեց. «Ականատես եղել, որ երբեմն աշխարհաքաղաքական խաղերը, էներգետիկ կարիքները և Ռուսաստանից դիվերսիֆիկացումը սխալ ուղղությամբ է գնում։ Եվրոպական Միությունն այս հարցում ուժեղ դիրքերում չէ, քանի որ, իմ կարծիքով, ԵՄ-ն սխալ ճանապարհով է գնացել։ Փաստացի՝ մեր շահերից ելնելով, էներգետիկ կարիքներից ելնելով՝ ԵՄ-ն աչք է փակում քաղբանտարկյալների հարցի վրա, մինչդեռ մենք կարող էինք հակառակն անել։ Կարող էինք ուժեղացնել ԵՄ-ի դիրքերը՝ Ադրբեջանի հետ համագործակցության միջոցով՝ էներգետիկ հարցերի հետ կապված, և այդպիսով այդ երկրի կառավարության վրա ճնշում գործադրեինք, որպեսզի բաց թողներ Բաքվում պահվող քաղաքական բանտարկյալներին»: