«Հայկական բնավորության վատ գծերից մեկը ծայրահեղականությունն է». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Հայկական բնավորության վատ գծերից մեկը ծայրահեղականությունն է։ Եթե գովում են մեկին, այնքան են մեծարում, որ համը հանում են։ Եթե մեկն ընկնում է քննադատության ալիքի տակ, մարդուն մրոտում, բարոյապես սպանում են։ Այս ծայրահեղական մոտեցումը շատ է դրսևորվում հանրային դեմքերի, քաղաքական գործիչների, հայտնի մարդկանց դեպքում։ Միջինը չկա, կամ մարդուն շատ մեծարում, փառաբանում են, կամ՝ մինչև օրդախազը ստորացնում։ Մինչդեռ կյանքում բացարձակ հրեշներ և հրեշտակներ չկան, մահկանացուներ են՝ իրենց առավելություններով ու թերություններով, այդ առավելություններն ու թերություններն էլ շատ հարաբերական բաներ են»: