«Ծովափնյա Բաթումում գները շատ ավելի ցածր են, քան Երևանում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ծովափնյա Բաթումում գները շատ ցածր են, քան Երևանում:
Համացանցում տեսանյութ տեսա, որտեղ ռուս զբոսաշրջիկ կինը Վրաստանի ծովափնյա Բաթում քաղաքում համեմատություններ էր անում Երևանի ու Բաթումի միջև։ Զբոսաշրջիկն ասաց, որ Երևանի հանրախանութների գանձարկղի մոտ վաճառողը խնամքով փաթեթի մեջ դասավորում է գնված ապրանքները, նույնիսկ այնպես դասավորում, որ լրացուցիչ փաթեթի կարիք չզգացվի, գնորդը դրա համար ծախս չանի։ Իսկ Բաթումի հանրախանութների գանձարկղի մոտ աշխատակիցը շպրտում է ապրանքները, գնորդն ինքն է դրանք տեղավորում փաթեթի մեջ։ Ռուս զբոսաշրջիկն ասաց, որ դա Երևանի առավելությունն է, սակայն Հայաստանի մայրաքաղաքում գները շատ բարձր են, քան տուրիստական Բաթումում։
Նիկոլ Փաշինյանի ընկեր մեծահարուստները մեծ գներ սահմանելով՝ սպառողների հաշվին գերհարստանում են, իսկ քաղաքականապես տհաս սոցիալապես անապահովները շարունակում են Նիկոլ Փաշինյանին համարել ժողովրդի բարեկամը»։