«Ինչո՞ւ կառուցվեց մի հսկայական թունել, որով հետո ջուր չպետք է տեղափոխվեր». Լևոն Գալստյան

Բնապահպան Լևոն Գալստյանը ֆեյսբուքյան իր էջում գրել է. «Շատերը մոռացել են կամ չգիտեն, որ 2004 թ-ին հանդիսավոր բացված «Որոտան-Արփա» 21.6 կմ-անոց ջրատար թունելն այդպես էլ չի գործել և դրանով ոչ մի կաթիլ ջուր չի տեղափոխվել։ Թունելը գործարկողները խրոխտ պնդում էին, որ նախատեսվում է Սպանդարյանի ջրամբարից տարեկան հավելյալ 165մլն.մ3 ջուր տեղափոխել Կեչուտի ջրամբար, հետո էլ այնտեղից «Արփա-Սևան» 48.3 կմ երկարության թունելով դեպի Սևանա լիճ՝ ջրի մակարդակը բարձրացնելու և լճի էկոլոգիական ռեժիմը վերականգնելու նպատակով։
22 տարուց ավելի է անցել այդ օրվանից, բայց այդպես էլ չիմացանք, թե ինչո՞ւ կառուցվեց մի հսկայական թունել, որով հետո ջուր չպետք է տեղափոխվեր, ի՞նչ նպատակով է արվել այդ «թատերական» ակցիան, ովքե՞ր էին դրա կնքահայրերը և ի՞նչ շահ ունեին դրա մեջ։
Կարծում եմ մեր հետաքննող լրագրողները պիտի փորձեն բացահայտել այս առեղծվածը։
2004 թ-ի այդ օրվա մասին հաղորդագրությունը կարդացեք ՀՀ կառավարության կայքում»: