«Էստեղ եղել են պետություններ, բայց ոչ հայկական. նախկինում ՀՀ-ում երբեք 90 տոկոս հայություն չի եղել». Նիկոլ Փաշինյան

«Էսօրվա Հայաստանի տարածքում 1045 թվից այս կողմ՝ մինչև 1918 թիվը, պետություն չի եղել: Հայկական պետություն չի եղել: Պատկերացնո՞ւմ եք՝ Բագրատունյաց թագավորության անկումից հետո էսօրվա մեր Հայաստանի տարածքում հայկական պետություն չի եղել. մոնղոլ-թաթարներ են եղել, եկել են, գնացել են, գաղթել են, խառնվել են, մենք ենք գաղթել և այլն: Բայց այս տարածքում եղել են պետություններ, այս տարածքում երբեք չի եղել, որ ընդհանրապես ոչ մի պետություն գոյություն չունենա: Էստեղ եղել են պետություններ, բայց ոչ հայկական պետություններ»,- Լոռիում քարոզարշավի ժամանակ հայտարարել է Նիկոլ Փաշինյանը:

«Եթե մենք պետք է վերադառնանք ինչ-որ տեղ, հրահրում ենք էդ ինչ-որ տեղին, որ նրանք էլ ասեն՝ մենք էլ վերադառնում ենք ստեղ... ՀՀ-ում հիմա է, որ 90 տոկոսը հայություն է։ Նախկինում երբեք 90 տոկոսը հայություն չի եղել... պետք է հասկանանք, թե ինչքան երջանիկ ենք էսօրվա վիճակով»,- հավելել է նա: