«Իրանը Թրամփին ստիպեց դեստրուկտիվ քաղաքականությունը փոխակերպելու ճանապարհ գտնել»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Թրամփը Սի Ծինփինի հետ Իրանի վերաբերյալ բանակցությունների մասին․«Մենք քննարկել ենք Իրանի հարցը։ Մեր դիրքորոշումները շատ նման են։ Մենք ցանկանում ենք, որ նեղուցները բաց մնան։ Հիմա մենք դրանք փակում ենք։ Նրանք փակել են, իսկ մենք վերևից ենք փակել, բայց մենք ցանկանում ենք, որ նեղուցները բաց լինեն»։
Եթե Իրանի համառ դիմադրողականությունը չլիներ, հիմա բոլորովին այլ իրավիճակ կլիներ, և դա լավ էին հասկանում Պեկինում։
Իրանը ստիպեց Թրամփին գնալ Պեկին և դեստրուկտիվ քաղաքականությունը փոխակերպելու ճանապարհ գտնել։
Իրանը այն հանգուցային կետն էր, որից կախված էր տարածաշրջանային անվտանգային ճարտարապետության կոնֆիգուրացիան։
ԱՄՆ-ի, Չինաստանի և Ռուսաստանի միջև ձևավորվող երկխոսության հնարավորությունը հուշում է, որ նոր աշխարհակարգը իր բովանդակությամբ փոխելու է հետսառըպատերազմյան լիբերալ - իդեալիստական կարգերը տնտեսական պրագմատիզմով և քաղաքական ռեալիզմով։
Իհարկե, եթե ԱՄՆ-ն կամ կողմերից մեկը այլ գաղտնի սցենար չի մշակել ապագայի դերակատարման համար...»: