«Մոդուլային ատոմակայանում Չեռնոբիլի վթար չի կարող տեղի ունենալ»․ Նիկոլ Փաշինյան

«Ռուսաստանից ատոմակայանի հետ կապված առաջարկ ստացել ենք, բայց նման առաջարկներ ստացել ենք նաև Կորեայից, Ֆրանսիայից և այլ երկրներից»,- այս մասին Աջափնյակում լրագրողների հետ զրույցում հայտարարել է ՀՀ վարչապետ Նիկոլ Փաշինյանը։
«Մենք մեծ՝ 1000 և 600 մեգավատանոց ատոմակայանի կարիք չունենք, որովհետև ունենք մեր ռեսուրսը՝ արևը, և կենտրոնացած ենք մոդուլյար ատոմակայանի վրա․․․ Մոդուլային ատոմակայանում Չեռնոբիլի վթար չի կարող տեղի ունենալ, սա մեզ համար ամենակարևոր հարցն է, քանի որ նման վթարը համարվում է տեղային միջադեպ, և 1 կիլոմետր հեռավորության վրա գտնվող բնակավայրը վթարի պարագայում չի տարհանվում։

Մենք հիմա աշխատում են ՌԴ-ի հետ էլ, ԱՄՆ-ի, Չինաստանի, Ֆրանսիայի, Կորեայի հետ էլ․․․

ՌԴ-ում էլ կա նախագիծ, որն աշխատում է ծովի վրա և «լողացող» ատոմակայան է։ Երբ կոնկրետ առաջարկ լինի, կդիտարկենք տեխնոլոգիայի և գնի առաջարկը։ Սա տնտեսական հարց է, ոչ թե քաղաքականության ընտրության հարց»,- նշել է Փաշինյանը՝ հավելելով՝ որ երկիրը լավ առաջարկ անի, այդ երկրի հետ էլ կաշխատենք։