«Այս 8 տարիների ընթացքում բացարձակապես ոչինչ չի սովորել»․ Վարդան Օսկանյան

ՀՀ ԱԳ նախկին նախարար Վարդան Օսկանյանը ֆեյսբուքյան եթերում հայտնել է․ «Մի քանի շաբաթ առաջ էր, երբ Վլադիմիր Պուտինը Նիկոլ Փաշինյանին փաստի առաջ դրեց ԵԱՏՄ-ԵՄ երկընտրությամբ։ Փաշինյանը դիվանագիտական սխալ պատասխան է տվել, ասելով՝ քանի դեռ հակասություն չկա, կշարունակենք, հետո կնայենք։ Անկեղծ ասած, 7-րդ դասարանի աշակերտը երևի նման պատասխան չէր տա։

Այն ժամանակ մի պահ մտածեցի, որ այդ մթնոլորտի մեջ Փաշինյանը միգուցե անակնկալի եկավ, այլ պատասխան չուներ, բայց 2 օր առաջ լրագրողի հարցին Փաշինյանը նույն պատասխանը տվեց։

Այն արհավիրքները, որը Փաշինյանը մեր գլխին բերել է, հիմնակում գալիս է նրանից, որ Փաշինյանը դիվանագիտությունից կիլոմետրերով հեռու է, նա չի իմացել, այսօր էլ չգիտի, թե ինչ է դիվանագիտությունը և այս 8 տարիների ընթացքում բացարձակապես ոչինչ չի սովորել։

ԵՄ քաղաքական համայնքի գագաթնաժողովը նույնպես դիվանագիտական սխալ էր, որի արդյունքում սրվել են Հայաստան-Ռուսաստան հարաբերությունները։

Փաշինյանը սխալ ճանապարհի վրա է, մենք երբեք նման ընտրության առաջ մեզ դնելու պատճառ չենք ունեցել։ Այսօր Հայաստան-ԵՄ հարաբերությունները 30 տարվա ընթացքում ամենացածր մակարդակի վրա են գտնվում, միայն շոուի մասն է մեծացել։

Փաշինյանը մտել է տարբեր գործարքների մեջ, որոնցից ինքն արդեն հնարավորություն չունի դուրս գալու և դրա միակ լուծումը Փաշինյանի հեռանալն է»։