«Կմասնակցի՞ Նիկոլ Փաշինյանը Աստանայի գագաթնաժողովին». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը․ «Մայիսի 28-29-ին Աստանայում սպասվում է ԵԱՏՄ բարձրագույն խորհրդի նիստը, այսինքն գագաթնաժողովը: Ըստ ամենայնի, սակայն, Նիկոլ Փաշինյանը չի մասնակցի դրան՝ պատճառաբանելով քարոզարշավը:

Առավել եւս, որ մայիսի 28-ին Փաշինյանը պլանավորել է ռազմական շքերթ, որը լինելու է թերեւս նրա քարոզարշավի առանցքային միջոցառումներից մեկը: Հետեւաբար, Փաշինյանը 28-ին չի բացակայի Հայաստանից: Եթե ժամանակացույցը այնպիսին է, որ Աստանայում գագաթնաժողովի գլխավոր նիստը լինելու է 29-ին, ապա չի բացառվում, իհարկե, որ Նիկոլ Փաշինյանը մեկ օրով կտրվի քարոզարշավից: Բայց, դա արդեն կլինի այն դեպքում, եթե նրա առաջ Աստանայում լինելու հարցը դրվի այսպես ասած՝ կտրուկ ու անառարկելի: Կլինի՞ այդպիսի պահանջ: Սա թերեւս զգալիորեն կախված է այն հանգամանքից, թե հայաստանյան ներքաղաքական պրոցեսը որքանով է քննարկումների հետաքրքրական հարց հենց ԵԱՏՄ մյուս մասնակիցների համար»: