«Հպարտ եմ, որ գառ գրկող եմ, ոչ թե խոզ խանձող»․ Բագրատ Սրբազան

«Խորհրդարանում ճոխաշրթուհի իշխանուհին ասել է, որ մենք անիմաստ միջնորդություններով դատական պրոցեսը ձգձգում ենք, այդպե՞ս է»,- դատական նիստի ժամանակ դիմելով դատավարոին՝ ասել է Բագրատ Սրբազանը։ «Խորհրդարանի փոխխոսնակ կոչված անձը հայտարարել է, որ ես տեռորիստական ակտ եմ կազմակերպել։ Դրա համար պետք է պատասխան տա։ Ես անընդհատ հիշեցնում եմ, որ այս մարդիկ սանձերը թողել են, անմեղության կանխավարկածներ են խախտում։ Սա անարգանք է ոչ միայն մեր, այլև դատարանի հանդեպ, և ըստ այդմ պետք է դիմենք՝ գործ հարուցելու այդ անձի նկատմամբ»,- շարունակել է Սրբազանը․ «Ինչ որ մեկն ինձ անվանում է գառ գրկող։ Գառը Քրիստոսի խորհրդանիշն է, և ես հպարտ եմ, որ գառ գրկող եմ, ոչ թե խոզ խանձող։ Եվ ներողություն եմ խնդրում, որ չեմ կարողացել ո՛չ խոզ գրկել, ո՛չ վարազ գրկել, ոչ լամա գրկել, բայց այն, որ իրենք գտնվում են թուրքերի և ադրբեջանցիների գրկում դա փաստ է»։