«Այսօրվա խորհուրդը սնվելու և սննդի հետ չկապեք»․ Դավիթ Խուդաթյան

«Ես հիմա այստեղ եմ, զբոսնում եմ, չեմ սնվում, խոզի սթեյք չեմ գնել, և վստահ եմ քաղաքացիների այստեղ գնտվելու միակ նպատակը խոզի սթեյք գնելը չէ»,- այս մասին լրագրողների հետ զրույցում նշեց ՏԿԵ նախարար Դավիթ Խուդաթյանը՝ անդրադառնալով հարցին, թե արդյո՞ք միջին վիճակագրական քաղաքացին կամ թոշակառուն կկարողանա այսօր Քաղաքացու օրվա առթիվ կազմակերպված միջոցառմա ժամանակ խորոված կամ խոզի սթեյք գնել։

«Տեսնում եք՝ Երևանում և Հայաստանի մարզերում այսօր տոնական տրամադրություն է՝ մի մասը զբոսնելով, մի մասը խոզի սթեք գնելով, մյուս մասը՝ քայլելով, համերգների, միջոցառումների մասնակցելով են նշում․․․ Այնպես որ, պիտի այսօրվա խորհուրդը սնվելու և սննդի հետ չկապեք»,- հավելեց նախարարը։