««Խաղաղության երաշխավորը» քանդել է եկեղեցին, եկեղեցու կոպեկը հարկող իշխանություն, արձագանքե՛ք»․ Ալիկ Ալեքսանյան

«Ուժեղ Հայաստան» կուսակցության անդամ Ալիկ Ալեքսանյանը ֆեյսբուքյան էջում տեսանյութ է հրապարակել՝ կից գրառմամբ․ «Փաշինյանի խաղաղության երաշխավորը քանդել է Ստեփանակերտի Սուրբ Աստվածամոր եկեղեցին։

Փաշինյա՛ն, է՞ս է ձեր խաղաղությունը»:

Տեսանյութում Ալեքսանյանն ընդգծում է․ «Ադրբեջանցիները քանդում են Ստեփանակերտի Սուրբ Աստվածամոր եկեղեցին․․․ Իսկ ինչո՞վ է զբաղված Նիկոլ Փաշինյանը․ եկեղեցու մոմն է ոեուզում հարկի, նվիրատվությունն է ուզում հարկի․․․ Կոպեկ հարկող վարչապետը ոնց որ մոռացել է, որ հանձնել է 380 եկեղեցի , 60 վանական համալիր, 2385 խաչքար, 400 միջնադարյան գերեզմանոց, 181 գյուղ և 12 քաղաք․․․ Հայ Առաքելական Եկեղեցին տարիներ շարունակ հարկ է վճարել, ընդամենը մի քանի հարկատեսակից է ազատված եղել, բայց Փաշինյանը ուզում է դրանք էլ հարկի, ձեր գնած մոմը հարկի, ձեր նվիրաբերած 50 դրամը հարկի․․․

Արտաքին գործերի նախարար, ձեզ խորհուրդ եմ տալիս ինչ-որ կերպ արձագանքեք․ Ստեփանակերտում քանդում են մեր եկեղեցին․․․

Գիտե՞ք դուք ով եք․ Գանձասարը, Ամարասը, Դադիվանքը Աստվածամոր եկեղեցին հանձնած և եկեղեցու կոպեկը հարկող իշխանություն եք»։