Եգիպտական դամբարանում «Իլիականի» հատվածով պապիրուս է հայտնաբերվել
![]() Բարսելոնայի համալսարանի հնագետների խումբը Եգիպտոսի Էլ Մինյա նահանգում արշավախմբի ժամանակ դամբարանում հայտնաբերել է Հոմերոսի «Իլիականի» մի հատված պարունակող պապիրուս։ Այս մասին նշվում է համալսարանի մամուլի հաղորդագրության մեջ։ Նշվում է, որ Բարսելոնայի համալսարանին կից Հին Մերձավոր Արևելքի ինստիտուտի հնագիտական առաքելությունը՝ Մայտե Մասկորթի և Էսթեր Պոնսի ղեկավարությամբ, Եգիպտոսի Էլ-Բահնասա բնակավայրում հայտնաբերել է մոտ 1,6 հազար տարվա հռոմեական դարաշրջանի դամբարանում գտնվող պապիրուս, որը պարունակում է Հոմերի «Իլիականի» հատված։ «Այս գտածոն բացառիկ է, քանի որ սա առաջին դեպքն է հնագիտության պատմության մեջ, երբ հայտնաբերվել է հունական գրական տեքստ, որը դիտավորյալ ներառվել է մումիայի զմռսման գործընթացում», հավելել են համալսարանից։ Համալսարանի տեսության համաձայն՝ «մումիայի որովայնի խոռոչում տեղադրված պապիրուսը պարունակում է նավերի կատալոգ»։ Այս հայտնագործությունը կատարվել է 2025 թվականի նոյեմբերից դեկտեմբեր ընկած ժամանակահատվածում անցկացված արշավախմբի ժամանակ։ 2026 թվականի սկզբին մասնագետները վերլուծել են պապիրուսը։ Նրանք տեքստը նույնականացրել են որպես Հոմերոսի «Իլիականի» մի հատված։ |

Starship-ն առաջին անգամ վերադարձել է մեկնարկային հարթակ՝ բռնվելով մեխանիկական «ձեռքեր»-մանիպուլյատորներով (լուսանկար, տեսանյութ)
88616.11.2026, 01:19
Հնագետներն Իսպանիայում հին հռոմեական արդյունաբերական մասշտաբի գինեգործության հետքեր են հայտնաբերել
42915.11.2026, 17:01
Հնագետները 5000 տարվա ութ հաց են հայտնաբերել, որոնք հրաշքով փրկվել են հրդեհից
49815.11.2026, 16:25
ԴՆԹ-ի վերլուծությունը բացահայտել է հին Իսպանիայում թաղված երկու մարդկանց միջև ազգակցական կապը
46208.11.2026, 18:49
Իսպանիայում հնագետները 19 հազար տարվա վաղեմության 280 ժայռապատկեր են հայտնաբերել
45108.11.2026, 17:01
Լիանա Խաչատրյանը դարձել է Միկրոէլեկտրոնիկայի 21-րդ միջազգային օլիմպիադայի հաղթողը
22606.11.2026, 00:36
