«Հայ-ֆրանսիական հարաբերության վերաբերյալ ճոռոմաբանությունը բազմապատկվել է»․ Հակոբ Բադալյան
 Քաղաքական մեկնաբան Հակոբ Բադալյանի թելեգրամյան գրառումը. «Փոխվարչապետ Մհեր Գրիգորյանը Հայաստանում Ֆրանսիայի դեսպանի հետ հանդիպմանը կարևոր է համարել Հայաստանում ֆրանսիական կապիտալով ընկերությունների գործունեությունը: Հարց է առաջանում՝ ո՞ւր է այդ ընկերությունների գործունեությունը: Կա՞ Հայաստանում ֆրանսիական կապիտալով ընկերությունների գործունեության աճ, զարգացում, այսպես ասած՝ ավելացում, ֆրանսիական ներդրումներ: Ոչ: Հայաստանում գործում են այն ընկերությունները, որոնք եղել են մինչև 2018 թվականը: Դրանից հետո, անցնող ութ տարիների ընթացքում, հայ-ֆրանսիական հարաբերության վերաբերյալ ճոռոմաբանությունը բազմապատկվել է երկու կողմից էլ՝ թե պաշտոնական Երևանի, թե Փարիզի, սակայն հարաբերության իրական, գործնական, խորքային ցուցիչը՝ տնտեսությունը, ըստ էության բացակայում է: 2021 թվականի հոկտեմբերին Հայաստանն ու Ֆրանսիան Փարիզում ստորագրեցին տնտեսական հարաբերությունների զարգացման ճանապարհային քարտեզ: Ո՞ւր է, ի՞նչ քայլեր են արվել այդ քարտեզով: Հինգ տարվա ընթացքում հայ-ֆրանսիական տնտեսական կոպերացիան որքանո՞վ է աճել: Գրեթե ոչնչով: Պետական ծրագրերով իրականացվող ֆինանսավորումը այստեղ բացարձակապես ցուցիչ չէ, որովհետև պետական ծրագիրն առավելապես քաղաքական նկատառումներով պայմանավորված աշխատանք է: Տնտեսական սուբյեկտների հետաքրքրությունն ու ներգրավվածությունն է, որ փոխադարձ հարաբերության իրապես ամրության վկայություն է: Իսկ Ֆրանսիայի տնտեսական սուբյեկտների հետաքրքրություն Հայաստանի տնտեսությամբ, գործնականում չկա»: Աղբյուրը` Հակոբ Բադալյան |
«Սա Իրանի երկրորդ հաղթանակն է»․ Հենրիխ Դանիելյան
3709:42
Նոր Սահմանադրության տեքստում անհավանական անակնկալներ են սպասվում․ «Հրապարակ»
4809:18
Գեներալ-մայոր Արտակ Տոնոյանին դատի են տվել. «Հրապարակ»
4309:12
Ի՞նչ է խնդրել Ռոբերտ Քոչարյանը Պուտինին․ «Հրապարակ»
3709:00
Արտաքին հետախուզական ծառայության պետի տեղակալի կինը՝ ՔՊ ցուցակում. «Ժողովուրդ»
8108:54
«Ինչո՞ւ է Քոչարյանն այս հարցում ևս խաբում իր ենթականերին ու մյուսներին». Սամվել Ֆարմանյան
19302:12