«Ունենք տեղեկություն, որ մարզերից խոչընդոտներով են քաղաքացիները գալիս այս հանրահավաքին»․ Դավիթ Ղազինյան

«Այսօրվա հանարահավաքից սպասելիքը շատ մեծ է, և ասելիքը՝ միասնությունն է։ Այսինքն՝ տանը չնստել, պատասխանատվություն կրել և իրավունք ունենալ երկրի կառուցման գործում, որպեսզի մեր սերունդներին կարողանանք պատասխան տալ, թե ինչ էինք անում մենք, երբ երկիրը կործանվում էր»,- այս մասին այսօր Ազատության հրապարակում մինչ «Ուժեղ Հայաստան՝ Սամվել Կարապետյանի հետ» դաշինքի հրավիրած հանարահավաքի մեկնարկը լրագրողների հետ զրույցում նշեց «Ոժեղ Հայաստան» կուսակցության խորհրդի անդամ, ՀԷՑ-ի տնօրենի նախկին ժամանակավոր պաշտոնակատար Դավիթ Ղազինյանը։

«Ունենք տեղեկություն, որ մարզերից խոչընդոտներով են քաղաքացիները գալիս այս հանրահավաքին․ դա նույնպես վախի արտահայտման միջոց է, շատ լավ հասկանում են, որ մարդիկ որոշել են մասնակից լինել փոփոխություններին»,- հավելեց Ղազինյանը։