«Կանխատեսումներ անելը ոմանց համար դարձել է հանրային ճանաչելիության միջոց». Սենոր Հասրաթյան

Արցախի ՊԲ նախկին խոսնակ Սենոր Հասրաթյանի ֆեյսբուքյան գրառումը․ «Հայրենական փորձագիտական և վերլուծական շրջանակների կանխատեսումների պրակտիկան (դատելով իրական զարգացումների ներկա ընթացքից), կարծես թե անկատար է: Տպավորություն ունեմ, որ նման իրավիճակի գոյությունն առաջին հերթին պայմանավորված է ոչ այնքան զարգացումների վերլուծությամբ զբաղվող մասնագիտական շրջանակների իմացական սահմանափակությամբ, որքան իրենց կարծեցյալ իմացությունը (գրեթե բոլոր ոլորտներից) հանրությանը մատուցելու ինքնանպատակ ցանկությամբ: Այլ բառերով ասած, կանխատեսումներ անելը ոմանց համար դարձել է հանրային ճանաչելիություն, իսկ գուցե նաև՝ ապրուստի հնարավորություն ստեղծելու միջոց, այլ ոչ թե, ինչպես հարիր է պատվախնդիր փորձագետին կամ վերլուծաբանին, սպասվող զարգացումները փաստերով հիմնավորելու և իրական հետևանքները ճիշտ կանխորոշելու նպատակ»: