«Եթե Ուկրաինայում ԱՄՆ-ի և Եվրոպայի համատեղ բազա լինի, մենք ավելի քիչ ռիսկեր կունենանք»․ Զելենսկի

Ուկրաինայի առաջնորդ Վլադիմիր Զելենսկին ցանկանում է հասնել ԱՄՆ-ի և Եվրոպայի ռազմաբազաների տեղակայմանը երկրի տարածքում՝ անվտանգության երաշխիքների շրջանակներում։ Այս մասին հայտնում է Страна.ua-ն:

«Ես չեմ կարծում, որ ռուսները չեն ցանկանա կրկին գալ: Բայց ես կարծում եմ, որ եթե Ուկրաինայում լինի ամերիկյան ռազմական բազա կամ ԱՄՆ-ի և Եվրոպայի համատեղ բազա, մենք ավելի քիչ ռիսկեր կունենանք»,- լրագրողների հետ զրույցում նշել է Զելենսկին:

Խոսելով անվտանգության երաշխիքների մասին նա նշել է, որ «առաջին հերթին Ուկրաինայի համար կարևոր է հասկանալ, թե կոնկրետ ինչ և որքան արագ կլինի գործընկերների արձագանքը, եթե ռուսական կողմից ագրեսիան կրկնվի։ Հաջորդը Ուկրաինայի զինված ուժերի ֆինանսավորումն է։ Երրորդը մեր ՀՕՊ համակարգերի հագեցվածությունը»։