«Ասում են՝ տեսա՞ք մեր վարչապետն ինչպես խոսեց Պուտինի հետ․ լավ խոսեց, իսկ հետևանքնե՞րը»․ Վարդան Արամյան

«Ես տեսա մարդկանց արձագանքներ, որ՝ այս ինչ լավ է, տեսա՞ք մեր վարչապետն ինչպես խոսեց Պուտինի հետ, հա, լավ խոսեց, հետո՞»,- 24TV-ի եթերում ասել է ՀՀ ֆինանսների նախկին նախարար Վարդան Արամյանը՝ անդրադառնալով Պուտին-Փաշինյան մոսկովյան վերջին հանդիպմանը։ «Միշտ պետք է մտածել հետևանքների մասին, ի՞նչ է դա նշանակելու մեր ազգաբնակչության համար»,- շարունակել է Արամյանը։ «Խոսքը նրա մասին չէ, որ մարդիկ ասում են՝ բա գնանք Ռուսաստանի մոտ վիզ ծռե՞նք։ Որևէ մեկը չի ասում՝ գնացեք վիզ ծռեք, կամ թույլի կարգավիճակում եղեք, բայց մի ապտակեք այն աղբյուրին կամ ձեր գործընկերոջը, որից դուք էական կախված եք։ Եթե Ռուսաստանը կոշտացրեց իր դիրքորոշումները, մենք մեզ վրա զգալու ենք հետևանքները»,- հավելել է բանախոսը: