«Ես չեմ լինելու վարչապետ, ունեմ վարչապետի 4 թեկնածու»․ Գագիկ Ծառուկյան

«Ես ունեմ վարչապետի 4 թեկնածու։ Ժողովրդին կներկայացնենք, ում կընտրի, նա էլ կլինի․․․ Վարչապետ լինելը հաճույք չի, չարչարանք է, ով կկարողանա, ով փորձ ունի և այդ ծանրությա տակ կմտնի և իմ թիմը եթե կհամաձայնվի նա էլ կներկայացվի»,- այս մասին, այսօր ԲՀԿ համագումարից առաջ լրագրողների հետ զրույցում նշեց ԲՀԿ առաջնորդ Գագիկ Ծառուկյանը։

Հարցին, թե հաղթանակի դեպքում իր մանդատը վա՞յր է դելու, Ծառուկյանի նշեց․ «Այո, շատ հնարավոր է, ես խորհրդարան չմտնեմ։ Ես չեմ լինելու վարչապետը, բայց իմ կուսակցությամբ հետևելու ենք, թե ով կարող է անել, նա էլ պետք է անի։ Թիմը կուռ է մեկ մարդու նման, մեր բոլորի ուզածը այն է, որ համախմբված լինենք, արդյունավետ լինենք, կարողանանք այս վիճակից դուրս գալ, մեր մեջքը ուղղենք, որ աշխարհը մեզ հարգի»,- նշեց Ծառուկյանը։