«Հաջորդ անգամ չլսեմ ծառահատում բառը»․ Արմեն Բեգոյան

«Հաջորդ անգամ չլսեմ ծառահատում բառը։ Ծառահատում մեր կազմակերպությունը չի իրականացնում, դուք ճիշտ չեք ասում, այստեղ ծառերի փոխարինում է»,- Երևանի «Կանաչապատում և շրջակա միջավայրի պաշտպանություն» ՀՈԱԿ-ի տնօրեն Արմեն Բեգոյանին զայրացրեց լրագրողների դիտարկումները, ըստ որի՝ ծառահատումներ են կատարվում։ «Ծառահատումն այլ բան է, ծառերի փոխարինումը՝ այլ, և հետևաբար ես կոչ եմ անում՝ թող ոչ ոք ո՛չ քաղաքային իշխանություններից, ո՛չ կանաչապատման ՀՈԱԿ-ից ավելի շատ բնությունը չսիրի։ Եթե մասնագիտական, գիտական կառույցը որոշել է, որ այս կամ այն փողոցում իրականացվելու են ծառերի փոխարինման աշխատանքներ, ապա պետք է վստահ լինի երևանցին, որ այդ ծառերը պահելու բան չէին»,- հավելեց Բեգայանը։