ԱԱԾ շենքը հրկիզել փորձող անձը 31-ամյա Րաֆֆի Մանդալյանն է

«ԱրմԼուր»-ի տեղեկություններով՝ ԱԱԾ շենքը հրկիզած անձը 31-ամյա Րաֆֆի Կամոյի Մանդալյանն է, որն ապրում է Էրեբունի վարչական շրջանի Նոր Արեշ թաղամասում:

Նրա կալանքի միջնորդության որոշումը մակագրվել է դատավոր Մանվել Շահվերդյանին, որն էլ բավարարել է այն։ Դեպքից հետո ԱԱԾ շենքն ուժեղացված հսկողության տակ է։

Քննչական կոմիտեից հայտնել էին, որ քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում ՀՀ քրեական օրենսգրքի 308-րդ հոդվածի 1-ին մասով՝ ահաբեկչություն պատժվում է ազատազրկմամբ՝ ութից տասներկու տարի ժամկետով:

Ավելի վաղ հայտնել էինք, որ մարտի 6-ին ԱԱԾ շենքի վրա վառվող առարկաներ նետելու կասկածանքով ձերբակալվել է մեկ անձ։