«TRIPP-ը գործարք է ԱՄՆ-ի և Ալիևի միջև՝ Իսրայելի օգնությամբ». Լևոն Զուրաբյան

«Մենք գիտենք, որ Հայ-ադրբեջանական հակամարտությունն ավարտված չէ, քանի որ Ադրբեջանը շարունակում է հրաժարվել իր ստորագրությունը խաղաղության պայմանագրի տակ դնելուց։ Ադրբեջանը շարունակում է պահանջել 300000 ադրբեջանցիների վերադարձ, շարունակում է պահանջել անկլավների վերադարձ, շարունակում է հակահայկական հիստերիան, ընդհանրապես՝ պետություն է կառուցված, որի հիմքում հակահայկականությունն է. ու դա շարունակվում է. սա խաղաղությո՞ւն է»,- այսօր նախագահական նստավայրի առջև գերիների ազատ արձակման պահանջով բողոքի ակցիայի ժամանակ ասաց ՀԱԿ վարչապետի թեկնածու Լևոն Զուրաբյանը։

Ստացվում է, որ մի կողմը շարունակում է խոսել խաղաղության օրակարգի սպասարկման մասին, իսկ մյուս կողմը շարունակում է հակառակորդին հարիր ճնշումները, արձամագրեց Զուրաբյանը։

Ըստ նրա՝ ԹՐԻՓՓ-ը գործարք է ԱՄՆ-ի և Ալիևի միջև՝ Իսրայելի օգնությամբ: Նպատակը՝ մեկուսացնել Իրանը և Ռուսաստանը Հարավային Կովկասից, և Ադրբեջանի միջոցով իրականացնել ելք դեպի Միջին Ասիա։ Հասկանալի աշխարհաքաղաքական պրոյեկտ է: Մենք հասկանում ենք նաև՝ որևէ նորմալ քաղաքական ուժ, գալով իշխանության, չի կարող հրաժարվել միջազգայնորեն ստանձնած պարտականություններից։ Սակայն մենք համարում ենք, որ սա աշխարհաքաղաքական առումով բալանսավորված փաստաթուղթ չէ, չի ապահովում ՀՀ-ի ազատությունը Ադրբեջանից կախվածությունից»:
Առավել մանրամասն՝ տեսանյութում: