«Աշխարհի ամենաձնառատ երկիրը համարվում է Ճապոնիան»․ Լևոն Ազիզյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը․ «Վստահ եմ, որ երբեք չեք կռահի, թե՞ որ երկրում է ամենաշատ ձյուն գալիս։
Վստահ եմ, որ դուք մտածում եք հյուսիսային շրջանների մասին, ինչպիսիք են Սկանդինավյան երկրները, որտեղ տարեկան մեկից հինգ մետր ձյուն է գալիս, կամ գուցե Գրենլանդիա կղզու մասին՝ -5°C միջին տարեկան ջերմաստիճանով, կամ նույնիսկ Կանադայի մասին՝ իր հյուսիսային հսկայական տարածքներով, բայց դուք սխալվում եք։
Զարմանալի է, որ աշխարհի ամենաձնառատ երկիրը համարվում է Ճապոնիան։
Նիիգատա և Յամագատա պրեֆեկտուրաներում ձյան տեղումների քանակը մեկ սեզոնի համար հասնում է 11 մետրի, իսկ Աամորի քաղաքը համարվում է աշխարհի ամենաձյունոտ քաղաքը։ Այստեղ ձմռանը միջինում ութ մետրից ավել ձյուն է տեղում։ Ազգային ռեկորդը սահմանվել է Իբուկի լեռան վրա, որտեղ ձյան բարձրությունը հասել է 12 մետրի ինչը համարժեք է հինգ հարկանի շենքի բարձրությամբ ձյան պատի։
Ավելի զարմանալին այն է, որ այս շրջանները գտնվում են նույն լայնության վրա, ինչ այն երկրներն, որտեղ ձյուն գրեթե չի գալիս։
Այս երևույթի պատճառը Ճապոնիայի եզակի աշխարհագրությունն է։ Սիբիրից եկող սառը օդը բախվում է Ճապոնական ծովի տաք ջրերինև լեռնային տեղանքը ստիպում է խոնավ օդին արագ բարձրանալ և սառչել, ինչն էլ հանգեցնում է առատ ձյան տեղումների ամբողջ երկրում»։