«Եկել է քո հեռանալու ժամանակը»․ Տաթևիկ Վիրաբյան

44-օրյա պատերազմում զոհված Գևորգ Վիրաբյանի քույրը՝ Տաթևիկ Վիրաբյանը, ֆեյսբուքյան իր էջում գրում է․ «Ոչ բարով մեր վարչապետը՝ Փաշինյան Նիկոլը, որոշել է իջնել գահից և մեզ բոլորիս բացատրել, թե ինչու է «անընդհատ շնորհակալություն հայտնում» իր սրտի «սուլթան» Իլհամ Գեյդարօղլու Ալիևին։
Պարզվում է՝ նա դա անում է, որպեսզի ցույց տա, թե «խաղաղության գործընթացը կարող է դառնալ իրական և գործնական»։
Բա, ժողովուրդ ջան, ազգովի պիտի տրնգի պարենք, որ Նիկոլի բաքվի տերը թողել է, որ մեզ հասնի անասնակերի պիտանի ցորենն ու մի քանի վագոն անհայտ ծագման բենզինը։ Վերջ, փրկվեցինք...
Չէ, Նիկոլ ջան, չկպավ․ հայտնի կենդանու տեղ մեզ բոլորիս դնելուն ուղղված քո՝ արդեն մաշված պլաստինկան այլևս չի անցնում։
Եկել է վերջապես քո հեռանալու և Հայաստանում արժանապատիվ իշխանություն ձևավորելու ժամանակը»։