«Պետրոս Հեքիաթասացը և Ռուբեն Ճիպոտեցին». խրատական ակցիա Տիկնիկային թատրոնի դիմաց

Այսօր Թումանյանի անվան պետական տիկնիկային թատրոնի դիմաց «Պետրոս Հեքիաթասացը և Ռուբեն Ճիպոտեցին» վերնագրով «ներկայացում բեմադրվեց»։ Այս ակցիան նախաձեռնել էր ՀՅԴ Հայաստանի Երիտասարդական միությունը՝ ի պատասխան թատրոնի գեղարվեստական ղեկավար, ռեժիսոր, Հանրային խորհրդի անդամ Ռուբեն Բաբայանի՝ Հայաստանի Հանրային հեռուստատեսության եթերում արված աղմկահարույց հայտարարության։

ՀՅԴ Հայաստանի Երիտասարդական միության անդամ Տարոն Մանուկյանը լրագրողների հետ զրույցում նշեց, որ ակցիան խրատական բնույթ ունի. «Մեր ակցիան պատասխանն է Ռուբեն Բաբայանի տխրահռչակ մտքերի։

Մեզ համար անընդունելի է մշակույթի վաստակավորի կոչում կրող տխրահռչակ անձանց կողմից նման մտքերի արտահայատումը»։

Հիշեցնենք, որ Ռուբեն Բաբայանն առաջարկել էր ճիպոտահարել Միքայել Սրբազանին՝ քաղաքական հայացքներ արտահայտելու համար։