«ՌԴ իշխանությունը փորձում է ռուսական «փողոցն» ազատագրել ադրբեջանական ազդեցությունից»․ Արա Պողոսյան

Քաղաքագետ Արա Պողոսյանը ֆեյսբուքյան էջում տեսանյութ է հրապարակել՝ կից գրառմամբ․ «Ռուսաստանի ՆԳՆ հատուկ նշանակության ուժերը Վորոնեժում ձերբակալել են ադրբեջանական քրեական խմբավորման ղեկավարներից Նիյազ Զաիդովին, ով համարվում էր նաև Ալեքսեևյան շուկայի այսպես ասած «նայողը»:
Երկար ժամանակ քննարկում էինք, թե Ադրբեջանը ինչպես կարողացավ ստեղծել ազդեցության տպավորիչ լծակներ ռուսական քաղաքական էլիտաների վրա։ Բացի այն, որ Ադրբեջանը գումարով կաշառում էր շատ «փորձագետների» ու քաղաքական դերակատարների, նաև սկսեց իր ազդեցությունը «փողոցի» վրա, բիզնես միջավայրի վրա, ուժային կառույցների վրա։
Հիմա կարծես թե Ռուսաստանի իշխանությունները փորձում են նախ ռուսական «փողոցն» ազատագրել ադրբեջանական ազդեցությունից։
Ի դեպ՝ երբ հայերս ռուսական փողոցներում ունեինք ազդեցիկ ուժ, այդ ժամանակներում Ադրբեջանի նկատմամբ քիչ համակրանք կար նաեւ ռուսական էլիտաների մոտ։
Ամեն ինչ չափազանց խորքային է՝ անձնական փոխհարաբերություններից մինչև տնտեսական շահեր, քաղաքական երկարաժամկետ շախմատ»։