«Դատարանը մերժել էր Կճոյանի գործով հայցադիմումը, մենք էլ չենք բողոքարկել». Սրբուհի Գալյան

«Նավասարդ արքեպիսկոպոս Կճոյանի ապօրինի գույքի մասով վարույթ ունեցել ենք, ժամանակին հայցադիմումը հասել էր դատարան, և եթե չեմ սխալվում, դատարանում մերժվել էր հայցը»- լրագրողների հետ զրույցում խոսելով ապօրինի ծագում ունեցող գույքերի բռնագանձման մասին՝ այս մասին ասաց արդարադատության նախարար Սրբուհի Գալյանը՝ հավելելով, որ չի հիշում, թե ինչ պատճառաբանությամբ է մերժվել հայցը։ Անդրադառնալով հարցին՝ հիմնավո՞ր է համարել այդ հայցադիմումը՝ Գալյանը պատասխանեց. «Մենք այն չենք բողոքարկել»։

Անդրադառնալով հարցին՝ կո՞ղմ է, որ նման մարդկանց միջոցով փորձում են Եկեղեցին «մաքրել», Գալյանը նշեց, որ համակարծիք չէ նման դատողությունների հետ. «Եկեղեցին կարող է միայն մաքրվել քաղաքացիների ցանկությամբ և նրանց միջոցով»։