Կադրեր՝ Իջևանում տեղի ունեցած պայթյունի վայրից

Ինչպես հայտնում է Գագիկ Շամշյանը, այսօր արտակարգ դեպք է տեղի ունեցել Տավուշի մարզում: Ժամը 14:00-ի սահմաններում ՆԳՆ տեղեկություններ են ստացվել, որ Իջևան-Նոյեմբերյան ավտոճանապարհի «Կրիվոյ» կոչվող վայրում գործող «ԺԲԿ»-ի տարածքում պայթյուն է տեղի ունեցել, կան վիրավորներ: Պարզվել է, որ տեղեկությունը հավաստի է և նշված վայրից շտապօգնության բժիշկները 2 հոգու տեղափոխել են «Իջևան» բժշկական կենտրոն:

Պայթյունի վայրի տարբեր հատվածներում իրավապահները հայտնաբերել են արնանման հետքեր և ծխացող օջախ: Թե ինչ է պայթել և ինչ հանգամանքներում, պարզվում է: