«Ազիզյանները» սիթքոմից հայտնի Մարին ցույց է տվել բռնության հետքերը

«Հարգեք ու սիրեք ինքներդ ձեզ, դա ձեր ամենագեղեցիկ էներգիան է»,- ֆեյսբուքյան իր էջում գրել է «Ազիզյանները» սիթքոմից հայտնի Մարի Պետրոսյանը՝ կից տարածելով տեսանյութ, որտեղ ցուցադրում է մարմնի վրա բռնության հետքերը: Նա նշել է նաև, որ ամուսնալուծվել է և երեք երեխաների հետ է այժմ:

Իսկ ավելի ուշ մեկ այլ գրառմամբ Մարին հայտնել է. «Ոստիկանության ժամանակին ու ճիշտ գործողությունների շնորհիվ ամեն ինչ արագ կարգավորվեց։ Հանցագործությունը կատարած անձը հիմա կրում է օրենքով նախատեսված պատիժը։

Բոլոր գործընթացները կատարվել են օրենքի համաձայն, և ոստիկանության, դատախազության ու դատարանի արագ արձագանքի շնորհիվ ես այսօր առողջ եմ ու իմ երեխաների հետ՝ ապահով ու խաղաղ միջավայրում»։