«Երևանում օդի որակին ու ծառերի սաղարթների վիճակին նայեք»․ Քրիստինա Վարդանյան

Երևանի ավագանու անդամ Քրիստինա Վարդանյանը ֆեյսբուքյան էջում տեսանյութ և լուսանկարներ է հրապարակել՝ կից գրելով․ «Երևանում օդի որակին և ծառերի սաղարթների վիճակին նայեք։
Երբ վիրահատության ժամանակ մեկ հիվանդ ենք կորցնում, քրեական պատասխանատվության հարց է կանգնում, պատժելու համար մեղավորներ են փնտրում։ Իսկ մեկ միլիոնից ավելի բնակչությանը խեղդամահ անողներին ծափահարում են և հրճվում՝ «Կեցցե ծաղկող գնդիկ սակուրաները» և ոչ մի «Տ-ձև ու ոջլոտ ծառ», բոլորը հատեք…
Հետո զարմանում ենք, որ օնկոլոգիան, հանկարածամահությունը, ինսուլտներն ու ինֆարկտները շատանում և երիտասարդանում են։ Ամեն ինչ օրինաչափ է, Բնությունը կների, բնակչությունն է կյանքով վճարելու»։