«Ո՞նց ներենք մեր գյոզալ ծառերը ոչնչացնողներին»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան իր էջում լուսանկարներ է հրապարկել՝ կից գրելով․ «Ո՞նց ներենք մեր գյոզալ հասուն ծառերը ոչնչացնողներին, Քաջ Նազարություն էր, ոմանց ծափերով լիազորված… Պիտակավորեցին երկու սերունդի ստեղծածը, թե «Ոջլոտ են», «Տ-ձև են», «Անկենսունակ են»… Ցավոք, Երևանի կենտրոնից գույնն ու հոգին պակասեց… Երեկ եկեղեցում բղավող երիտասա՞րդն էր ճիշտ, թե՞ քաղաքացիական հագուստով նրա դեմ պայքարողը… Հոգու խորքում բոլորը ճիշտ պատասխանը գիտեն։ Բնությունն Աստծո արվեստն է, երբեք չմոռանաք։ Մի եղեք անտարբեր, ինչքան էլ շահ հետապնդողը հեքիաթներ պատմի, տերը մենք ենք»։