Հարսն ամուսնական գիշերը կոմայի մեջ է ընկել ու մահացել

Բոսնիա և Հերցեգովինայում մահացել է 26-ամյա բլոգեր Ադնա Ռովանին-Օմերբեգովիչը, գրում է Mirror-ը։ Նշվում է, որ հարսանեկան խնջույքից հետո՝ գիշերը, նրա ինքնազգացողությունը վատացել է, շտապ տեղափոխել են հիվանդանոց։ Երկու օր կոմայի մեջ գտնվելուց հետո նա մահացել է։ Թե որն է եղել պատճառը, դեռևս հայտնի չէ։ Կատարվում է հետաքննություն։ Հարազատներն ու իրավապահները սպասում են դիահերձման արդյունքներին։