Պուտինը մասնակցել է «Արևմուտք-2025» զորավարժություններին
![]() Ռուսաստանի նախագահ Վլադիմիր Պուտինը զինվորական համազգեստով ժամանել է Նիժնի Նովգորոդի մարզ, որտեղ Մուլինոյի զորավարժարանում ընթացել է ռուս-բելառուսական «Արևմուտք-2025» զորավարժությունների հիմնական փուլը։ Ռուսական լրատվամիջոցների փոխանցմամբ՝ Պուտինը ուսումնասիրել է Ուկրաինայի դեմ պատերազմում օգտագործվող զենքի և հատուկ ռազմական տեխնիկայի նմուշները։ Ռուսաստանի պաշտպանության նախարար Անդրեյ Բելոուսովը Ռուսաստանի նախագահին զեկուցել է, որ ռուսական կողմից զորավարժություններին մասնակցում են Լենինգրադի և Մոսկվայի ռազմական օկրուգների զորքերը, Ավիատիեզերական ուժերի զորամասերը, Հյուսիսային և Բալթյան նավատորմերի ուժերը, իսկ բելառուսական կողմից՝ տարածաշրջանային խմբի մաս կազմող զորքերը։ Զրավարժություններին մասնակցել են նաև Հնդկաստանի, Իրանի, Բանգլադեշի, Բուրկինա Ֆասոյի, Կոնգոյի և Մալիի պաշտպանության նախարարությունների ռազմական զորակազմեր և օպերատիվ խմբեր։ Զորավարժությունները անցկացվել են սեպտեմբերի 12-ից 16-ը Ռուսաստանում և Բելառուսում։ Մուլինո զորավարժարանում անցկացվող ռազմական զորավարժությունները դարձել են Ռուսաստանի և Բելառուսի բանակների համատեղ զորավարժությունների 2025 թվականի եզրափակիչ փուլը։ Ռուսաստանի պաշտպանության նախարարության տվյալներով՝ համատեղ ռազմավարական զորավարժություններին մասնակցել են Ռուսաստանի տարածքում՝ ավելի քան 50 հազար զինծառայող, ավելի քան 3,5 հազար միավոր զենք և ռազմական տեխնիկա, այդ թվում՝ ավելի քան 100 ինքնաթիռ և ավելի քան 80 նավ և օժանդակ նավեր, Բելառուսի տարածքում՝ մինչև 7 հազար զինծառայող, որոնցից ավելի քան 1,2 հազարը տարածաշրջանային ուժերի խմբի ռուսական բաղադրիչից էին։ Զորավարժությունների պատճառով Լեհաստանը որոշել է փակել Բելառուսի հետ սահմանը, մինչդեռ Լիտվան, Լատվիան և Էստոնիան սահմանափակել են իրենց օդային տարածքը մուտք գործելը և ուժեղացրել սահմանային անվտանգության միջոցառումները։ |

«Եկեք թարգենք կրկեսային ներկայացումները, անհարգալից վերաբերմունքը չեմ հանդուրժելու»․ Տիգրան Ավինյան (տեսանյութ)
2815:18
«Ուսանողական ցուցակ» շարժումը մտադիր է հանրաքվե անցկացնել Սերբիայի՝ ԵՄ-ին անդամակցության հարցով
4815:13
«Եթե սա տեղի է ունենում Անդրանիկ Թևանյանի նկատմամբ ճնշում գործադրելու նպատակով, արդեն լրջագույն հարց է»․ Սարգիս Տեր-Եսայան
6915:00
«Չար ծառից հենց չար պտուղ էլ ակնկալվում է»․ Ռուբեն Մելիքյան
6414:24
«Մեր կուսակցական գործընկերն է, ի՞նչ ընդդիմադիր դառնալու մասին է խոսքը»․ Հասմիկ Հակոբյան (տեսանյութ)
8414:00
«Ինքն ամենայն հայոց չէ, ինքն ամենայն ՈւժեղՀայաստանոց, Քոչարյանոց է»․ Ռուբեն Ռուբինյան
10313:48
