Շվեդիայում զինամթերք տեղափոխող գնացքը դուրս է եկել գծերից

Կիրակի օրը Շվեդիայում զինամթերքով բեռնված բեռնատար գնացքը դուրս է եկել գծերից՝ երկրի հյուսիսային հատվածները պատուհասած ուժեղ անձրևների պատճառով, հաղորդում է շվեդական SVT հեռուստաալիքը։

«…Էրնսկյոլդսվիկի մոտակայքում մի քանի վագոններ այժմ ընկած են երկաթուղու եզրին։ Շվեդիայի տրանսպորտի վարչության տվյալներով՝ երկաթուղու վերականգնման համար շաբաթներ կպահանջվեն»,- ասվում է հաղորդագրության մեջ։

Շվեդիայի տրանսպորտի վարչության մամուլի քարտուղար Փեթեր Ջոնսոնի խոսքով՝ «գնացքի մի մասում զինամթերք և լիթիումային մարտկոցներ կան»։ Արտակարգ ծառայությունները մեկուսացրել են վթարի վայրը, և վտանգավոր բեռները հեռացվել են։