Աֆղանստանում երկրաշարժերի հետևանքով զոհերի թիվը հասել է 2200-ի

Վերջին տվյալներով՝ Աֆղանստանում վերջին տարիների ամենաուժեղ երկրաշարժերից մեկի հետևանքով զոհվել է 2200 մարդ։ 6.0 մագնիտուդով երկրաշարժը տեղի է ունեցել Աֆղանստանի արևելքում օգոստոսի 31-ին։ Փրկարարական աշխատանքները շարունակվում են մինչ օրս։

Զոհերի մեծ մասը գրանցվել է Կունար լեռնային նահանգում, որտեղ, ըստ Թալիբանի կառավարության, զոհվել է 2205 մարդ, վիրավորվել՝ առնվազն 3640-ը։

Եվս 12 մարդ զոհվել է, իսկ հարյուրավորները վիրավորվել են հարևան Նանգարհար և Լագման նահանգներում։

Հինգշաբթի օրը որոնողական-փրկարարական գործողությունների ընթացքում փլուզված տներում հայտնաբերվել են հարյուրավոր դիակներ, հայտնել է կառավարության խոսնակը։

Լեռնային Կունար նահանգի ամենաշատ տուժած տարածքներ մուտք գործելու սահմանափակությունը դանդաղեցնում է փրկարարական և մարդասիրական գործողությունները, քանի որ կրկնվող հետցնցումներից առաջացած սողանքները փակում են արդեն իսկ վտանգավոր ճանապարհները։