Բաքվում Իրանի դեսպանատունը հերքել է մեղադրանքները ՀՀ-ում Իրանի դեսպանի հասցեին

Բաքվում Իրանի դեսպանատունը հերքել է ադրբեջանական ԶԼՄ-ների կողմից հնչեցրած մեղադրանքները ՀՀ-ում ԻԻՀ դեսպանի հասցեին։

Դիվանագիտական գերատեսչության հայտարարության մեջ ասվում է․ «Ադրբեջանական կայքի կողմից Հայաստանում Իրանի դեսպանի հասցեին հրապարակված մեղադրանքները՝ «Լեռնային Ղարաբաղի անջատողականներին աջակցելու առաքելության» կամ Հայաստանի կառավարությանը ռազմական աջակցություն ցուցաբերելու վերաբերյալ, բացարձակապես անհիմն և կեղծ են»:

Հիշեցնելով Արցախյան հակամարտության խաղաղ կարգավորման գործընթացին աջակցելու Իրանի Իսլամական Հանրապետության սկզբունքային դիրքորոշումը՝ դեսպանությունը հայտարարել է, որ հիշյալ լրատվական կայքի բովանդակությունը հեղինակի ենթադրյալ շահարկումներն են»: