«ԿԳՄՍՆ, սպասում ենք ձեր քայլերին»․ Նանա Սարգսյան

Երևանի ավագանու նախկին անդամ Նանա Սարգսյանի ֆեյսբուքյան գրառումը․ «ՀՀ կրթության, գիտության, մշակույթի և սպորտի նախարարություն, ի՞նչ եք պատրաստվում անել Հակոբ Կոջոյանի անվան հանրակրթական դպրոցի տնօրենի կատարած արտահայտությունների վերաբերյալ: Եթե չգիտեք, տեղեկացնեմ, որ ըստ ՀՀ «Հանրակրթության մասին» օրենքի՝ 6-րդ հոդվածի, հանրակրթությունը պետք է իրականացվի քաղաքական չեզոքության սկզբունքով։
Հոդված 18-րդում ասվում է, որ դպրոցի տնօրենը պարտավոր է չներգրավել դպրոցը քաղաքական գործընթացների մեջ, ապահովել հավասարություն ու չեզոքություն։
Բացի դրանից՝ «Պետական ծառայության մասին» օրենքի 22-րդ հոդվածով արգելվում է պետական ծառայողի՝ իր պաշտոնեական դիրքը օգտագործելով քաղաքական կողմնակալություն ցուցաբերելը։
Այս ողջ հոդվածներն ու օրենքները խախտվել են Ռուզաննա Երեմյանի կողմից: Սպասում ենք ձեր քայլերին»։