«Սպորտային խաղի գնդիկներն են հայտնաբերել, ձերբակալել»․ Գեղամ Մանուկյան

ԱԺ «Հայաստան» խմբակցության պատգամավոր Գեղամ Մանուկյանը լրագրողների հետ զրույցում մանրամասնեց, թե ինչու են ՀՅԴ երիտասարդներին ձերբակալել։ «Մեր երիտասարդները բանակումների ժամանակ Սթրայքբոլ սպորտային խաղերն են միշտ խաղացել, որոնց համար նախատեսված գնդիկներն են հայտնաբերել։ Երևանի խանութներից ասել եմ բերեն, էստեղ պայթեցնեմ, տեսնեմ ինչ վնաս կլինի»,- կատակեց Գեղամ Մանուկյանը։ Նշենք, որ նրա որդին ևս ձերբակալված է։
Մանուկյանի խոսքով իշխանությունների կողմից նմանատիպ ձերբակալումները իրականացվում են խորհրդանշական օրերին՝ Էրդողանի հետ հանդիպման օրը, Ալիևի հետ հանդիպման օր, և թիրախում հատկապես ՀՅԴ-ն ու Եկեղեցին են։