«Հանրային խորհրդին կոչ եմ անում՝ կոչ անելիս մնալ իրավունքի սահմաններում»․ Հովհաննես Իշխանյան

Հասարակական գործիչ, ռեժիսոր Էդգար Ղազարյանի ֆեյսբուքյան գրառումը․ «ՀՀ Հանրային խորհուրդը քաղաքացիների իրավունքները սահմանափակելու կոչ է անում
Հանրային խորհուրդը եկեղեցու դեմ իրականացվող խղճի, կրոնի ազատության ոտնահարման առիթով հայտարարություն է արել՝ կոչ անելով եկեղեցու սպասավորներին, որ քաղաքական չեզոքություն դրսևորեն։
Զավեշտալին այն է, որ հանրային խորհուրդը հայտարարության մեջ հղում է արել Հայաստանի խղճի ազատության և կրոնական կազմակերպությունների մասին օրենքին։
Այդ օրենքի 18-րդ հոդվածով կուսակրոն Մեսրոպ Մաշտոցի գրած տառերով սահմանված է, որ կրոնական կազմակերպության անդամներն ու սպասավորները կարող են մասնակցել քաղաքական կյանքին՝ մյուս քաղաքաղիցերին համահավասար։
Այսպիսով, հանրային խորհուրդը կոչ է անում եկեղեցու սպասավոր ՀՀ քաղաքացիներին հրաժարվել օրենքով վերապահված իրենց իրավունքներից։
Սա նույնն է, եթե ես հիմա հղում անեմ Հանրային խորհրդի մասին օրենքին ու կոչ անեմ, որ չօգտվեն հասարակական կարծիք հավաքելու օրենքով տրված գործառույթից։
Այդուհանդերձ, Հանրային խորհրդին կոչ եմ անում, կոչ անելիս մնալ իրավունքի սահմաններում՝ չզրկելով տուժողին իր իրավունքներից օգտվելուց, ավելին՝ իր ոտնահարված իրավունքները վերականգնելուց»։