«Կաշառակերները խոսում են, որ «Հայաստան» համահայկական հիմնադրամի միջոցներից յուրացվել են»․ Նիկոլ Փաշինյան

«Կաշառակերները խոսում են, որ «Հայաստան» համահայկական հիմնադրամի միջոցներից գողացվել են, յուրացվել են»,- Կառավարության նիստի ժամանակ ասաց վարչապետ Նիկոլ Փաշինյանը՝ նշելով, որ այդ մասին խոսում է Ռոբերտ Քոչարյանը՝ նրան անվանելով կաշառակեր։ Խոսքը «Հայաստան» համահայկական հիմնադրամի միջոցներից 100 մլն դոլարի՝ 2020թ․ պատերազմի օրերին պետբյուջե մուտք անելու և անհետանալու թեմայի շուրջ խոսակցությունների մասին է։

«ԱԺ-ում քննիչ հանձնաժով էր ստեղծվել, Արծվիկ Մինասյանը չէ՞ր հանձնաժողովի ղեկավարը։ Ո՞ւր է զեկույցը, թող գրեն, ստորագրեն, որ գողացվել է, մենք էլ կիմանանք ինչ անել՝ կդիմենք դատարան, մենք գիտենք ինչ է տեղի ունեցել»,- ասաց Փաշինյանը։