Շենգավիթ և Էրեբունի վարչական շրջանների խմելու ջրի խնդրին անդրադարձ չեղավ

Օրեր առաջ Երևան քաղաքի Էրեբունի և Շենգավիթ վարչական շրջանների բնակիչներն ահազանգել էին, որ ծորակի ջուրը կեղտոտ է, պիտանի չէ խմելու համար, ջուրը գնում են, ինչը հավելյալ ֆինանսական բեռ է ընտանիքների համար: Նրանց խոսքով խմելու ջրի որակի հետ կապված խնդիրը ամռան ամիսներին մշտական բնույթ է կրում։
Այսօր քաղաքապետարանի գործակարգավարական խորհրդակցության ժամանակ առանձնակի քննարկվեց կոյուղագծերի խնդիրը, նշվեց, որ քաղաքապետարանը անհարկի մեղադրվում է, այնինչ պատճառը «Վեոլիա Ջուր» ընկերության անգործությունն է։ Այդպես էլ ոչ մի խոսք չհնչեց խմելու ջրերի՝ վերոնշյալ խնդրի մասին։
Նշենք, որ բնակիչները բազմաթիվ անգամ դիմել են «Վեոլիա Ջրին», սակայն խնդիրը մնում է չլուծված։