«Սահմանագոտում գտնվող 802 տարեկան Խորանաշատի վանքը քանդվում է». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Սահմանագոտում գտնվող 802 տարեկան Խորանաշատի վանքը քանդվում է
Բերդ համայնքի Չինարի բնակավայրի վարչական տարածքում գտնվող Խորանաշատը հառնում է հայ-ադրբեջանական փաստացի սահմանից ընդամենը 150 մետր հեռավորությամբ։ Խորանաշատ այցելելելը վտանգավոր է, զինվորականները շրջանցիկ ճանապարհով են ուղեկցում վանք այցելողներին։
2023 թվականին հանդիսավորությամբ նշվեց Խորանաշատ վանական համալիրի 800-ամյակը։ Խորանաշատի վիճակը վատթար է։ 1946 թվականին չինարեցիները սեփական ուժերով մասնակի վերանորոգում են կատարել։ 802-ամյա Խորանաշատը նորոգման, փրկության խիստ կարիք ունի Ծագումով Բերդ համայնքից պատմաբան, գիտնական Արտաշես Շահնազարյանը Խորանաշատի վիճակի մասին գրել է․ «Խորանաշատի վանական համալիրի աղետալի վիճակի մասին է վկայում այն, որ դեռ 1982թ. նրա գավթի և գլխավոր եկեղեցու Սուրբ Աստվածածնի, պատերը 10-15 սմ թեքված են եղել դեպի դուրս»»: