«Զինվորը զոհվում է, մայրը խելագարված ողբում է, վարչապետը ռեխը բաց գինու փառատոն է վայելում». Նաիրա Մարգարյան

Զոհված զինծառայող Ժիրայր Մարգարյանի մայրը՝ Նաիրա Մարգարյանը, ֆեյսբուքյան իր էջում գրել է․ «Երբ Նիկոլը դեռ վարչապետ չէր՝ միշտ խոսում էր զինվորի, բանակի, անարդարության մասին։ Ասում էր՝ «զինվորը պիտի լավ սնվի, կլուբնիկ ուտի, չսովի»։ Բայց հիմա՞։
Զինվորն այսօր զոհվում է, բայց երկրի ղեկավարը գինի է վայելում Երևանի սրտում՝ փառատոնների մեջ կորած։ Մոր վիշտը օդում է, մայրը խելագարված ողբում է, այդ մայրը մի ամսից հպարտությամբ փառքով պիտի գրկեր որդուն, բայց այսօր եռագույնով փաթաթված սառած մարմինը գրկեց, բայց այդ ժամանակ վարչապետի գունագեղ լույսերի տակ ընտանիքով ռեխը միջև ականջները բաց գինու փառատոն է վայելում։
Պատերազմն էլ դեռ չէր ավարտվել, մարմինները՝ դեռ անթաղ, անհետացած տղաները՝ անհայտ ճակատագրով... Իսկ ինքը տոնում էր՝ բարձր տրամադրությամբ, գունագեղ միջոցառումներ փառատոներ, փարթիներ։
Ապագան եկել է, ասում էր։ Բայց ո՞ւմ ապագան։ Զինվորի մա՞յրը տեսավ այդ ապագան։ Թե՞ նրանք, ովքեր գինու բաժակներով մոռացան երկրի ցավը»։