«Քծնանքի տպավորություն թողնող կադրերը տեսնում ու հետևություններ է անում նաև միջազգային հանրությունը»․ Վահագն Սարոյան

Ռազմական փորձագետ Վահագն Սարոյանի ֆեյսբուքյան գրառումը․ «Ալբանիայի մայարքաղաքում տեղի ունեցած գագաթաժողովից երեկվա կադրերը, ի թիվս այլ ապացույցների, խոսուն ապացույցն են նաև այն բանի, թե ինչու է միջազգային հանրությունը, այդ թվում նաև տարբեր հեղինակավոր կառույցները՝ ՄԱԿ-ը, ԵԱՀԿ-ն, ԵՄ-ն, ՄԻԵԴ-ը լուրջ գործողություններ չեն ձեռնարկում Բաքվում պահվող Արցախի ռազմաքաղաքական ղեկավարության նկատմամբ կատարվողի նկատմամբ և ազատ արձակելու մասով էլ չկան ուղիղ պահանջներ։
Թվացյալ ջերմության, բայց իրականում սեփական ներկայությունը իրենց շարքերում հանդուրժելու քծնանքի տպավորություն թողնող այդ կադրերը միայն մենք չենք տեսնում ու հետևություններ անում, այլև տեսնում են բոլորը, այդ թվում վերը նշված կառույցներն ու գերտերությունները։ Ահա, թե ինչու չկան ուղիղ պահանջներ Ադրբեջանին»։