«Չորս կողմն էլ հավասարաչափ մեղավոր է». Գոհար Ասատրյան

Պահեստազորի ավագ լեյտենանտ, ազգային զարդանախշերով հագուստների մոդելավորող-դերձակ Գոհար Ասատրյանը ֆեյսբուքյան իր էջում գրել է. «Երբ դու զավակ ես ունենում, առաջին հերթին պարտավոր ես արժեքներ սերմանել իր մեջ՝ հարգանք մեծերի նկատմամբ, ամոթի զգացում, ուսուցչի հետ «դուք»-ով խոսելու պարտավորվածություն, կարգապահություն և այսպես շարունակ։
...Երբ դու դառնում ես դպրոցի տնօրեն կամ պաշտոնակատար, դու պարտավոր ես ԿՐԹՕՋԱԽԸ զերծ պահել «քրջի բազառ» դառնալուց, դասապրոցեսը հասարակական անկարգության չվերածելուց։
....Երբ դու ուսուցիչ ես, պարտավոր ես բարձր պահել ուսուցչի պատիվը, ուսուցչի՝ մեկ քայլ բարձր գտնվելը ու կարողանաս քեզ տիրապետել՝ անկախ՝ ինչ հանգամանքներում ես շփվում աշակերտների հետ։
....Եթե դու արդեն ոտք ես դրել դպրոց, պարտավոր ես հարգել ԿՐԹՕՋԱԽՈՒՄ գտնվող յուրաքանչյուր ուսուցչի, քեզ պահել քեզ հատկացված սահմանում, չմտնել քեզ համար Չնախատեսված «բոստան»։
Չորս կողմի մեղավորության չափը գնահատում եմ հավասարաչափ։
*Լեզվանի լակոտներից սիրտս խառնում է...
*Կապերը կտրած ծնողները կործանում են առաջին հերթին իրենց երեխաների ճակատագրերը։
*Իր անձնական անբավ վիճակը երեխաների քթից բերող ուսուցիչը չարիք է։
*Ակամայից ինչ որ աթոռի նստած մեկը ձեռքերը ջրում թրջող չէ»։