Իսրայելը ոչնչացրել է Եմենի օդանավակայանը և հարձակվել էներգետիկ օբյեկտների վրա
 Իսրայելի պաշտպանության ուժերը հաստատել են, որ հարվածներ են հասցրել Եմենի մայրաքաղաքի օդանավակայանին և երկրի էներգետիկ ենթակառուցվածքների օբյեկտներին։ Իսրայելի պաշտպանության բանակի մամուլի խոսնակի գրասենյակը հարձակումները որակել է՝ որպես Իսրայելի Բեն Գուրիոն օդանավակայանի մոտակայքում հրթիռի ընկնելու միջադեպի պատասխան։ «Որոշ ժամանակ առաջ Իսրայելի պաշտպանության բանակի կործանիչները հարվածներ են հասցրել Սանայի գլխավոր օդանավակայանում հութիների ահաբեկչական ենթակառուցվածքներին և ոչնչացրել այն՝ ամբողջությամբ շարքից հանելով օդանավակայանը»,- ասվում է Իսրայելի պաշտպանության բանակի պաշտոնական Telegram ալիքում տեղադրված հաղորդագրության մեջ։ Իսրայելական կողմի պնդմամբ՝ հուսթիների ռեժիմը պարբերաբար օգտագործել է օդանավակայանը զենք և զինյալներ տեղափոխելու համար։ Իսրայելի բանակի հայտարարության մեջ նաև ասվում է, որ նրանք հարձակվել են Եմենում գտնվող մի քանի էլեկտրակայանների վրա։ Մասնավորապես, հաղորդագրություններ են ստացվել Դահբանի կենտրոնական էլեկտրակայանի և Ամրան նահանգում գտնվող ցեմենտի գործարանի վրա հարվածների մասին։ Իսրայելական կողմը պնդում է, որ գործարանն օգտագործվում է հուսթիների կողմից ստորգետնյա թունելներ և այլ ենթակառուցվածքներ կառուցելու համար։ |
Երևանի Աղի կոմբինատում փրկարարները 236 մետր խորությունից դուրս են բերել 46 քաղաքացու
13319:36
«Երևանում դանակահարվել է ավտոբուսի վարորդը․ կա ձերբակալված անձ»․ ՆԳՆ (տեսանյութ)
9919:18
Դանակահարություն՝ Երևանում, 32-ամյա վիրավորի վիճակը գնահատվում է ծայրահեղ ծանր
11718:12
«Ավտոմեքենան գլորվել է ձորը․ կա զոհ»․ ՆԳՆ փրկարար ծառայություն
10317:36
«Իրանցի զինվորականները Հորմուզի նեղուցով անցնելու փորձ կատարած երկու նավ են կալանել». ԻՀՊԿ
17514:53
Թունավորման դեպքեր՝ Բյուրեղավանում (տեսանյութ)
13713:24