«Քանի՞ գրոշի արժեք ունի կառավարությունում ծավալված խոսակցությունը». Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Ուրեմն կառավարության նիստում կանանց նկատմամբ ոչ միայն ֆիզիկական, այլ նաև «վերբալ» բռնությունից են խոսում և մտահոգվում մի կառավարության անդամներ, որոնց ներկայացրած քաղաքական ուժի պատգամավորներից մեկը ցինիկ կերպով «վերբալ» բռնություն է կիրառել կին լրագրողի նկատմամբ, ինչին չի հաջորդել այդ պատգամավորի նկատմամբ և ոչ մի կուսակցական պատասխանատվություն: Այդ ուժը դեմ է եղել անգամ պատգամավորի արարքի հարցով էթիկայի հանձնաժողով ստեղծելուն:
Սա լավագույնս է վկայում, թե իրականում քանի գրոշի արժեք ունի կառավարությունում ծավալված խոսակցությունը:
Իսկ ընդհանրապես, ինքս անձամբ դեմ եմ բռնությունն այսպես ասած «սեռային դասակարգման» ենթարկելուն, դա համարելով ընդամենը «ժողովրդավարա-քաղաքացիական ուսմունքի» մի «ատավիզմ»:
Բռնությունը՝ բռնություն է և դատապարտելի է հավասարապես, անկախ նրանից, թե ինչ սեռի, տարիքի կամ գույնի հանդեպ է այն կիրառվել»։