«ՀՀ-ում տղամարդու համար ավել բռնելը մահացու մեղք է»․ Նիկոլ Փաշինյան

«Մեր երկրում կա այդպիսի երևույթ, որ պիտի սև շոր, ծիծակ կոշիկ հագնես, որովհետև դրանից դուրս կասեն՝ էս ինչի ա սենց։ Դա, բարեբախտաբար, փոխվում է, բայց դա փոխվում է կրթության շնորհիվ»,- Կառավարության նիստում, գենդերային խտրականության վերաբերյալ հարցի քննարկման ժամանակ, ասաց վարչապետ Նիկոլ Փաշինյանը։ «Ինչպես կան կարծրատիպեր, որ կանանց չեն թողնում աշխատել, այնպես էլ կան կարծրատիպեր, որ տղամարդկանց չեն թողնում սովորել։ Կան կարծրատիպեր, որ կանանց չեն թողնում հանրային ակտիվություն ցուցաբերել, նույնկերպ կան կարծրատիպեր, որ քառակուսուց դուրս մտածել չի կարելի տղաներին, որովհետև ճիշտը մի հատ ա, պետք ա էդ ճշտի մեջ մտնել»,-ասաց Փաշինյանը՝ հավելելով, որ բանակում պրոբլեմների մի մեծ մասը ձևավորվում է միջավայրի նկատմամբ մեր վերաբերմունքի կուլտուրայից․ «Մեզ մոտ տղամարդու համար ավել բռնելն ամոթ ա, խնդիրը տղամարդու մասին չէ, միջավայրի մասին է։ Աղբի մեջ ապրելն ամոթ չէ, աղբը հավաքելը տղամարդու կողմից կարող է ամոթ լինել, մահացու մեղք լինել․․․հետո ասում են՝ բա բանակում էդ ոնց եղավ, խնդիրը որտեղի՞ց»,- ասաց Փաշինյանը։