«Ձենդ կտրի՛, կարգի հրավիրեք դահլիճում գտնվող գազաններին», «կոռեկտ խոսե՛ք». լեզվակռիվ՝ ավագանու անդամների միջև

Երևանի ավագանու նիստում, որտեղ քննարկվում են աղբահանության վճարման համար տրվող արտոնությունները, Զարուհի Փոստանջյանը նշեց, որ նորից բերել են օրինագիծ, որը խայտառակություն է, խաբում են ՀՀ բնակիչներին, որ իբր ուզում են արտոնություններ տրամադրել նրանց, ովքեր գեներացնում են, արտադրում են աղբ:

«Եթե մենք չենք լուծել աղբի մշակման հետ կապված հարցը, և բերում են այսպիսի նախագծեր, սա խոսում է այն մասին, որ ոչ միայն տգետներ են, այլ նաև կոռուպցիոներներ են, որ հանձնեցին Արցախը և հիմա էլ հասան Երևանին»,- նշեց Փոստանջյանը, ինչին արձագանքեցին «Քաղաքացիական պայմանագիր» խմբակցության անդամները: Փոստանջյանը գոռաց. «Ձենդ կտրիր, կարգի հրավիրեք դահլիճում գտնվող գազաններին»: Նրան հորդորեցին «կոռեկտ խոսել»: