«Բերում եք նախագիծը, հետո փինաչի դերձակի պես փորձում եք այստեղից կտրել, այնտեղից լայնացնել». Իզաբելլա Աբգարյան

«Երևանը դարձել է միակ քաղաքը, որտեղ տասը տոմսանոց տրանսպորտի փաթեթը նույն գնի է ստացվում, ինչ մեկ տոմսը: Որովհետև տերմինալից մեկ տոմսի համար երկու տոմս պետք է առնես, եթե հեռախոսի համար չես ուզում ներմուծել»,- Երևանի ավագանու նիստում ասել է «Ազգային առաջընթաց, խմբակցության անդամ Իզաբելլա Աբգարյանը: «Փոխանակ մտածեն՝ այդ խոտանները վերացնեն, վերանայեն փաթեթները, մտածում են՝ տուգանենք: Բա ձեզ ո՞վ պետք է տուգանի, պարոնա՛յք, որ որերորդ անգամ է սկզբից բերում եք նախագիծը, հետո փինաչի դերձակի պես փորձում եք նստեցնել՝ այստեղից վերցնեմ, այնտեղից լայնացնեմ, այստեղից կտրեմ: Եթե մեկը պետք է տուգանվի և պատժվի, ապա դա նման որակի նախագծեր բերողն է»,- ընդգծել է ընդդիմադիր ավագանին: